10 秒早着先機
上網睇波，最怕就係睇直播比賽嘅時候，身邊有人突然「咆吼」慶祝，自己個畫面仲喺到傳緊波，呢種被劇透嘅感覺，真係灰爆。所以今次 Now TV 推出低時延功能，我第一時間就想試吓。睇咗幾場波，最直接嘅感受係：比起以往網上串流，延遲明顯係少咗，真係可以更早感受到緊張位。以前嗰種「咦隔離點解咁興奮」嘅尷尬感，今次已經消失了。
低時延功能，可以講係世界盃「獨家專線」，透過 Now TV 專屬內容分發網絡（CDN）同專用訊號傳輸路徑運作。系統會將影片內容切割成更細小嘅數據區塊傳送，大幅減少緩衝時間，同時降低直播延遲.。網上行 Netvigator F5G-A 超級寬頻，以及 csl 同 1010 5G 流動網絡服務嘅客戶，今屆世界盃就可以用到呢個功能、體驗呢個低時延技術帶來嘅好處。透過呢套技術架構，直播畫面能夠更加貼近現場實際進度，減少因網絡延遲而比人遲一步得知關鍵時刻嘅情況。Now TV 官方表示，透過呢個低時延功能，串流影片載入時延最多可以比以往少 10 秒。10 秒聽落好似唔多，但喺足球比賽入面，10 秒已經係一個轉守為攻嘅時間，分分鐘你仲未見到入球，隔離已經話俾你知結果。
由於 Now TV App 一定要係 csl、1O1O 或者 Netvigator 客戶，先可以用到呢個「低時延功能」，所以呢，小編就拎來另一部手機，用第二個網絡商做個比較，手機 A 就用 csl 5G 網絡，手機 B 就用某品牌，得出實際結果，用 csl 網絡配合「低時延模式」，就進行比較時嘅情況嚟睇（引用官方資料：時延因素會受網絡覆蓋、切換網絡、訊號強度、裝置性能、Wi-Fi 穩定性、直播內容及頻道支援等因素影響而有所差異），係會比起用其他網絡商快咗超過 10 秒，睇嚟 csl 都對延遲嘅表現，太過保守喇！10 秒都畀少咗佢！
▲ 如果你係 csl 客戶，使用 Now TV App 睇直播，可以開啟「低時延模式」，上面用其他網絡商，自然就 chok 唔到呢個模式出嚟。
▲ 波斯尼亞率先入球！Goal！當用 csl 網絡、開咗「低時延模式」嘅手機，已經出現咗 0:1，下面使用其他網絡商嘅手機，仍然仲喺度踢緊波，如果我唔係用 csl，喺出面聽到人哋叫囂歡呼，而我仲係唔知咩事嘅話，就真係會好無癮！
HKT 用家專享
技術上，低時延功能係透過調整 OTT 串流嘅緩衝設定同串流參數，盡量縮短直播畫面同現場實際情況之間嘅時間差。簡單講，就係令你睇到嘅畫面盡量貼近現場實時。不過要用到呢個功能，但要留意：因為低時延功能係需要透過 HKT 旗下呢幾個指定網絡先可以啟用，你要係 csl、1O1O 或者 Netvigator 網上行 嘅客戶，並連上佢哋嘅網絡，先享受到；即係話如果你用緊其他網絡供應商，今次就未必享用到。
今屆世界盃 Now TV 係香港收費電視嘅獨家轉播平台，全部 104 場賽事都會以高清同 4K 直播。如果你係 csl、1O1O 或者 Netvigator 嘅客戶，就要把握最後機會，購買 FIFA 世界盃 2026 賽事通行證低至 $580 起，睇晒所有賽事直播。按這裡可以了解更多。
*關於低時延功能使用的條款及細則約束。詳情請參閱官方網頁 及其 Facebook帖文。