- 三星 S26 新功能重點
分區列表
左定坤 (Cho Ting Kwan) 2026-03-13 17:27 | Honor
最強 AI 夜攝加持，Complex Studio 獨家打卡霓虹 LABUBU
講到今屆 ComplexCon 嘅最大亮點，一定係由 THE MONSTERS 系列同埋超人氣角色 LABUBU 嘅創作者龍家昇親自出任藝術總監！HONOR 今次特別同大會聯手，喺會場設立嶄新嘅 Complex Studio 攝影體驗區，畀參加者可以同龍家昇親自操刀設計嘅香港主視覺「霓虹版 LABUBU」瘋狂合照，甚至可以創造專屬你嘅《COMPLEX》雜誌獨家封面。
為咗確保大家喺會場複雜嘅燈光下都影到最靚嘅相，所有合照都會由 HONOR 最新旗艦機 Magic8 Pro 拍攝。憑住佢嗰顆領先業界嘅兩億像素 AI 夜神超穩長焦鏡頭，就算係超高難度嘅霓虹燈場景，都可以拍出清晰奪目、真實自然嘅夜攝人像佳作。影完之後，相片會印上專屬水印並即時免費印出實體版，大家亦可以直接下載數碼版本放上 IG 開心 Share，極具紀念價值。
買機即抽市集門票，二十個名額送完即止
想即刻入場感受潮流氣氛？HONOR 官方亦都非常識做，宣佈由即日起推出超著數嘅買機抽飛活動！大家只要去 HONOR 官方產品銷售點，以正價購買任何指定嘅 HONOR Magic 系列或者 N 系列手機、平板甚至手提電腦（例如最新嘅 Magic8 Pro、Magic7 Pro、Magic V5 摺機或者 MagicPad 3 等等），憑收據上網登記，就有機會免費獲得 ComplexCon 潮流市集門票兩張！要知道每張門票定價都要成 $488，抽中真係極之和味。今次優惠名額總共有二十個，即係合共送出四十張飛，門票日子會隨機發放。機會難逢，數量有限，送完即止。
