年度大作！HUAWEI Pura 90 系列，版主極速上手試-ePrice.HK

左定坤 (Cho Ting Kwan) 2026-04-20 20:29 | Huawei

Huawei 發佈了 2026 年旗艦手機 Pura 90 系列，引起咗業界同埋唔少用家嘅熱烈討論。除了影像處理及處理器都全面升級外，Pura 90 系列三款機的設定喺外型美學、機身結構以至螢幕比例上面都作出咗大膽嘅嘗試。今次版主就去到深圳的華為專門店，用大家上手三款 Pura 90 系列手機，以下有版主試玩嘅一手感覺。

HUAWEIPura90 上手試.jpeg

Pura 90 Max

首先講下 Huawei Pura 90 Pro Max，呢部機採用咗名為橘子海嘅新配色，機身呈現出由橙色過渡到藍色嘅漸變效果，喺室內環境下更加會有閃爍嘅反射質感。新機繼續沿用經典嘅三角形鏡頭模組設計，但機身框架就由過往嘅圓角改為直角設計，令持機手感變得更加紮實硬淨。另外，新機配備咗極窄邊框螢幕。

橘子海嘅新配色

橙色過渡到藍色嘅漸變效果

沿用經典嘅三角形鏡頭模組設計

室內環境下更加會有閃爍嘅反射質感

Pura 90 Max

▲ 10 倍變焦

Huawei Pura 90 Pro

Huawei Pura 90 Pro 最搶眼嘅當然係嗰個標誌性三角形相機模組，被人叫做風向標設計，徹底打破咗傳統圓形或者方形鏡頭嘅框框，一睇就認得出。Pura 90 Pro 用咗新一代等深四微曲屏，呢個設計既有直屏嘅穩陣操控感，又有曲面屏嘅流暢視覺效果，四個角位圓滑滑，摸落去好似鵝卵石咁順手舒服。機背用咗星芒紋理工藝，上面有好細緻嘅星芒線條，一有光照落去，就會閃出好似星星咁嘅幾何紋理，層次感好強，睇落高級晒。正面用第二代崑崙玻璃，唔單止晶瑩剔透咁靚，仲超耐摔同抗刮，靚仔耐用。

Pura 90 Pro 有三款色選擇

三款你最愛邊款

Pura 90 Pro 用咗新一代等深四微曲屏

Pura 90 Pro

Pura 90

HUAWEI Pura 90 外型最大賣點，就係佢個非曲芒。佢同 Pura 90 Pro 嗰種四微曲面屏唔同，Pura 90 用極窄邊框嘅純直屏設計，整部機睇落乾淨俐落。尤其係鍾意平面芒手感嘅人，例如打手遊或者討厭曲面屏反光嘅朋友，絕對會好鍾意呢個感覺。機背繼續用 Pura 系列最有標誌性嘅「風向標」三角形相機模組，呢個幾何設計好前衛，一眼就認得出，因為用直屏加中框設計，Pura 90 機身比 Pura 90 Pro 版更輕、更薄，線條都比較方正，單手握住好實淨、好有feel，唔會鬆鬆哋。顏色方面，標準版一向都玩得比較大膽同有活力，好啱鍾意有個性嘅年輕人。機身表面處理得幾精緻，喺唔同燈光下面會有種深邃又有光澤嘅感覺。正面用咗高品質嘅崑崙玻璃，同邊框接得天衣無縫，睇落好有工業設計嘅精緻感。

用極窄邊框嘅純直屏設計，整部機睇落乾淨俐落。