左定坤 (Cho Ting Kwan) 2026-07-08 21:21 | 網絡消息
乜叫 RAMmageddon
RAMmageddon 係 2026 年科技界開始流行嘅一個非正式名詞，由 RAM（記憶體）+ Armageddon（末日、大災難） 組合而成，用嚟形容全球 DRAM 記憶體供應緊張、價格急升嘅現象。
業界報告記億體成本大升
根據 Omdia 最新一份 Global smartphones priced below $400 will decline by 22% as memory costs soar 嘅報告，記憶體成本已經成為智能手機製造商面對最大嘅負擔。喺售價低於 99 美元 （約 HK$800) 嘅超入門手機型入面，記憶體成本佔咗總製造成本嘅 64%；而喺 100 至 400 美元 ( 約 HK801 – HK$3200) 嘅中低端機型入面，呢個比例更高達 59%。同 2025 年第三季相比，過去幾個月內所有類型嘅記憶體成本幾乎翻倍。呢個趨勢已經改變咗市場格局。400 美元 (約 HK$3200) 被視為關鍵分水嶺，低於呢個價格嘅智能手機銷量預計將同比下跌 22%。好多廠商因為利潤空間被壓縮，正主動削減或取消低價機型。Omdia 指，雖然售價超過 400 美元 約 HK$3200) 嘅高端機型銷量預計今年將增長 5.7%，但昂貴嘅成本迫使廠商喺其他方面進行妥協。
用舊版本 SoC
為節省成本，廠商正採取多種減配策略，包括使用上一代晶片組、更換顯示面板、減少攝像頭數量或者改用較細尺寸嘅感光元件。例如，最近推出的 Samsung Galaxy A27 用嘅晶片組，即係 Qualcomm Snapdragon 6 Gen 3 發表時間係 2024 年 9 月左右手即係話，A27 用的是一款約兩年前推出的中階 SoC，可見成本減低，採用比較的 Soc 係一個好方法。
來源：9to5google
