左定坤 (Cho Ting Kwan) 2026-07-09 11:00 | Csl
中國內地漫遊卡戰
呢排不同品牌儲值卡，都更新中國內地適用儲值卡，可能同中國移動香港嘅擾民措施有關，就係唔準喺中國內地啟動漫遊卡。繼 3 香港國際萬能卡、Your Mobile 後，同樣採用 csl 網絡嘅 ABC Mobile 又出新卡。有兩款，最平係 7 日中、澳、台漫遊儲值卡。7 日有 6GB 數據，可以喺中國內地、澳門及台灣作漫遊使用，用爆咗都有 128kbps 速度無限上網。最啱短途旅行、瘋狂打卡、Google Maps 搵路！額外附送 10GB 本地數據（有效期 30 日），出發前直接用佢上網，返到香港繼續用，唔怕主卡突然錯收漫遊費，爆出震撼帳單。呢張卡賣 $50。
年卡比較好用
另一款係中、澳、台 365 日漫遊儲值卡，內含 10GB 中、澳、台漫遊數據加 20GB 本地數據，整整一年內跨地域共用，唔使每次出發都買新卡，最啱經常來往呢三個地方嘅商務人士，或者成日去玩嘅網友。因為有 365 日有效期，用嚟喺內地收驗證碼都好方便。留意嘅係，喺香港使用會採用 csl 網絡，提供 4G 42Mbps 速度。呢張卡賣 $125。
按此購買
