左定坤 (Cho Ting Kwan) 2026-07-15 13:49 | 小米
升配唔升價
Redmi Note 17 系列係中國內地發佈嗰陣，口號係「升配不升檔」，意思即係話加咗料但唔加價，繼續守住中階機嘅市場定位。外型方面，新機行簡約路線，配色仲有藍天白雲同夜空星軌，睇落確實有質感。但香港推出嗰陣，會唔會加價呢？
電量大到嚇親人
如果話而家最考驗一部手機嘅係咩，相信好多人會答你係續航力。Redmi Note 17 系列真係冇令人失望， 中國內地版本嚟講，標準版已經用緊 8000mAh 電池，而 Redmi Note 17 Pro 版本更加誇張，去到 9000mAh 甚至 10000mAh 級別 (呢個電量基本上可以當佢係平板咁用，一日充一次電？可能兩日都唔使充呀！但香港係咪出齊三款，暫時未知。
機身硬淨，跌都唔怕
成日驚電話跌落地會爆芒？Redmi Note 17 系列今次主打「金剛品質」。佢哋用咗同旗艦機同款嘅康寧 Gorilla Glass Victus 2，仲攞埋 IP69K 防水防塵認證 。簡單嚟講，即係粗用都唔使驚，呢個耐用程度喺呢個價位嘅手機入面，真係相當少見。Redmi Note 17 系列雖然係中階定位，但勝在規格夠曬誠意。影像方面有 2 億像素主鏡頭 (Pro 版)，日常夠用有餘。目前香港幾時出、賣幾錢依然係個謎，但睇返內地定價只係 1,299 元人民幣起，如果香港版開價合理，呢個系列，相信都會好受歡迎。
