- $2XXX 中階機推介
分區列表
左定坤 (Cho Ting Kwan) 2026-08-05 17:22 | Samsung
三大特色體驗專區 體驗新機軟硬件實力
今次試玩活動現場劃分咗三個主題區域，由專人帶領參加者深度體驗 Samsung 最新嘅旗艦產品陣容。現場會展出 Galaxy Z Fold8、Galaxy Z Fold8 Ultra 以及 Galaxy Z Flip8 幾款全新摺機，同時亦有最新嘅智能手錶 Galaxy Watch Ultra2 同 Galaxy Watch9。用家喺現場可以試到更加輕薄嘅機身手感、Multi-Windows 多工分屏操作，同埋由 Galaxy AI 帶來嘅各種實用功能。
喺運動體驗方面，現場設有全港首個結合 Pickleball 運動同科技嘅「My FanCam」練習場。參加者可以同朋友即場切磋 Pickleball，現場會由 Galaxy Z Fold8 負責全程錄影。系統支援 My FanCam 智慧追焦功能，可以精準捕捉場上動態，即時剪輯出個人專屬嘅直拍影片。體驗完之後，用家仲可以用 Quick Share 功能將高畫質影片秒速傳入自己部手機度。
另外現場亦設有潮流打卡必去嘅「Galaxy Z8 互動區」。其中 Galaxy Z Flip8 K-Pop 打卡位配備鏡面設計同韓風應援道具，方便大家拍出有韓流感覺嘅相片同短片；現場仲有一個巨型 Galaxy Z Fold8 Ultra Multi-Task 體驗區，將大螢幕嘅多工作業視窗同 AI 工具放大呈現，方便參加者體驗一芒多用嘅操作流程。
農夫首日到場互動 完成任務可換領限定紀念禮品
喺活動首日 8 月 7 日下午 4 時 15 分至 5 時，人氣組合農夫會現身現場。佢哋會發揮幽默本色即場試用新機，並同現場觀眾進行「Galaxy Z8 摺機大揭秘」互動環節，用輕鬆有趣嘅方式示範新機嘅各種實用功能。
想參加活動嘅市民，需要先喺指定網站完成網上登記。入場嘅時候可以領取一張「Galaxy Z8 專屬小卡」，只要玩齊「Galaxy 試玩站」、「My FanCam 練習場」同「Galaxy Z8 互動區」三個體驗專區兼集齊貼紙，就可以憑小卡喺現場免費換領限定紀念禮品一份，禮品數量有限，送完即止。
