B4travel 中國漫遊卡評測! 整合三大電訊商免 VPN 玩埋 ChatGPT 同 Claude-ePrice.HK

三網合一覆蓋 解決偏遠地區訊號死角

市面上一般嘅中國漫遊 SIM 卡，多數只係鎖定單一網，收得唔好，都無得轉網絡。B4travel 呢張三頻版上網卡採用「三網合一」機制，同時整合中國移動、中國聯通同埋中國電信三大內地電訊商網絡。張卡具備自動切換功能，會根據用家所在位置，自動搜尋同埋連接當時訊號最強嘅 4G 或 5G 網絡。大城市或偏遠景點，都可以大幅降低斷訊機會，確保連線穩定。

▲ 在深圳實測，不但支援 5G 網絡，速度更過 100Mbps，上網好快。

免實名免預先開卡 支援跨境直接連線

同傳統中國內地漫遊卡唔同，用家唔需要好似中國聯通或者中國移動咁喺香港預先開卡，抵達內地之後直接插卡同埋開啟數據漫遊，就可以喺內地即時開卡啟用。過程完全唔需要用到做實名登記，既方便又可以保障個人私隱。喺網絡存取方面，呢張 SIM 卡採用境外漫遊技術，可以直連繞過防火牆限制。用家完全唔需要另外下載或者開啟 VPN，落地就可以直接開啟 WhatsApp、Facebook、Instagram、YouTube、Google Maps 同埋 LINE。版主試過，一般社交平台之外，呢張卡仲支援喺香港用唔到嘅 ChatGPT 以及 Claude，連線體驗相當全面。

▲ 順利連入 ChatGPT

速度表現同埋彈性數據方案

喺傳輸速度方面，根據實際 Speedtest 測試顯示，下載速度可以超過 100Mbps，上網速度相當順暢。張卡同時支援熱點分享功能，方便將網絡分享畀同行朋友嘅手機、平板電腦或者 Notebook 使用。方案選擇方面，B4travel 提供多款天數組合（例如 3 日、5 日、8 日、15 日等），採用公平使用原則（FUP）。當高速數據用完之後，網絡仍然可以無限任用（限速 128kbps 不斷網）。如果行程中突然狂用數據導致數據不足，用家可以去官方指定網站 topup.anlander.com 進行 online 增值，網站仲可以即時查到用咗幾多數據，方便隨時把握用量。

▲ Claude AI 都可以用得到。 

購買方法

 呢張 B4Travel 中國內地無限上網卡，賣價由  $25 起，有一日 1GB 用量，至 10 天 15GB，售價由 $25 起，按這裡可立即購物。

最新新聞