左定坤 (Cho Ting Kwan) 2026-08-24 17:05 | 網絡消息
活動詳情
港鐵廣告宣佈攜手香港四大流動網絡營辦商，推出全新企劃「5G 領航 · 刷新 VR 跨界感官」，利用 5G 網絡喺多個港鐵站設立虛擬實境（VR）體驗區，仲特別打造咗全港首個「港鐵廣告 VR 體驗館」。呢個企劃由 2026 年 9 月 2 日起一直進行到 10 月 14 日，喺 8 個高人流嘅港鐵站設立 VR 體驗區，地點包括柯士甸站、中環站、銅鑼灣站、會展站、香港站、啟德站、九龍塘站同埋尖沙咀站。用家喺網上預約登記之後，就可以喺活動期內到場體驗唔同嘅 VR 內容。今次活動希望透過 5G 網絡，喺日常搭車嘅環境入面，帶嚟順暢嘅視覺與互動體驗。
全港首個「港鐵廣告 VR 體驗館」 重溫經典廣告
除咗常規嘅 VR 體驗之外，港鐵今次仲特別推出全港首個「港鐵廣告 VR 體驗館」。體驗館結合 VR 技術同 5G 網絡，將歷年嚟多個經典港鐵廣告重現，等乘客可以透過 360 度全新視角，親身「走入」經典廣告場面。用家只要去活動網站預先登記，就可以選擇唔同站點同埋時段參與體驗。完成活動之後仲可以獲得 MTR 積分或者驚喜禮物，禮物數量有限，送完即止。
