左定坤 (Cho Ting Kwan) 2026-10-16 19:19 | Apple
機身展開僅厚 5.2mm 配備 7.6 吋內螢幕
iPhone Duo 屬於 Apple 首款可摺式 iPhone，主打超薄輕巧機身設計，機身打開之後厚度只有 5.2mm，成為歷來最薄嘅 iPhone。新機配備 7.6 吋內螢幕，表面採用全新納米紋理，主要用嚟減少反光及眩光情況。
至於摺埋之後嘅外螢幕為 5.4 吋，官方指出其顯示面積達到 iPhone 18 Pro 螢幕嘅 90%，而且兩者維持相同嘅螢幕比例，確保用家喺摺合狀態下操作時保持視覺體驗一致。此外，機身內置特製均溫板、雙電池架構與全新 A20 Pro 晶片，加強散熱表現並維持全日電量。外觀方面，iPhone Duo 提供「星光白色」與「夜空色」兩款機身顏色選擇。
世界 Plan 月費詳情與 $0 出機條件
用家可以選擇覆蓋全球 222 個地區嘅「世界 Plan」或者「世界 Plan（亞太區）」。要享有 $0 出機價，用家需要簽訂 36 個月合約，並選用月費 $1288 嘅 200GB 世界 Plan，或者月費 $1,188 嘅 200GB 亞太區世界 Plan。喺呢兩個合約條件下，iPhone Duo 256GB（原價 $17,499）及 512GB（原價 $19,299）版本嘅上台價均為 $0。
如果選擇 1TB 或 2TB 版本，喺相同嘅 36 個月高用量合約下，上台機價分別為 $1,299 及 $6,499。對於選擇 70GB 數據計劃（月費 $698 至 $798）嘅用家，256GB 型號簽訂 36 個月合約嘅上台機價為 $999，24 個月合約嘅上台機價則為 $5,999。需要留意，所有月費優惠均須預繳 $500 並以指定信用卡簽賬。
預訂禮遇、配件分期及開售安排
由 10 月 16 日晚上 8 點起至 10 月 22 日預訂期內，預訂 iPhone Duo 嘅客戶可以獲贈額外 $1,000 手機現金券，現有客戶可額外獲贈多 $500 手機現金券。用家若果同時 Trade-in 任何舊手機型號，可享額外 $400 機價折扣。加購配件方面，選購新機時一齊買 Apple Watch 或其他配件，可享 36 個月免息分期。指定滙豐信用卡客戶可獲最多 8,000 易賞錢積分，以及額外 $100 手機折扣或月費回贈，計劃同時附送 2 年旅遊保險。
3SUPREME 亦宣佈喺 10 月 23 日朝早 9 點，喺港島海逸君綽酒店 Le 188° 餐廳及酒廊舉辦開售活動，邀請已預訂新機嘅特選用家一邊觀賞維港景致一邊辦理出機手續。當日喺現場完成取機嘅用家，會獲贈價值 $1,990 嘅 3 香港聯乘 inno3C 限量版手機配件禮盒，數量有限，送完即止。
