$98 月費 5G 數據 100Mbps 速度無限上網 !  3 香港推補習天王 5G Plan 有名師 YY Lam 加持-ePrice.HK

名師＋無限上網

今次 3 香港聯同凝皓教育合作推出嘅「YY Mobile fueled by 3」，可以話係電訊界同補習界嘅強強聯手。凝皓教育喺香港好有知名度，係一間專為 DSE 公開試而設嘅補習學校，而 YY Lam 仲係呢間學校最出名嘅中文補習天王。

呢個 Plan 主要分兩種，平嗰款月費係「畢業」Plan，或者正名叫「無限 Support」5G 月費計劃，係專門俾喺凝皓教育讀過嘅畢業生同埋家長，最平 $98 有 30GB 全速 5G 網絡數據，用爆咗就無限上網，限速嘅但都有 100Mbps，其實同無限速都無乜大分別。

而現正讀緊凝皓教育嘅學生及其家長，嗰個 Plan 貴少少，叫「無限學習」5G 月費計劃，要 $188，但有 60GB 全速 5G 網絡數據，用爆咗都有 100Mbps 無限上網。點解貴咗？因為多咗價值 $1,000 試讀班，再加兩張 $500 凝皓教育課程資助券；仲有 $1,500 現金旅遊禮券。結果都係一條數啦。兩個 Plan 都有 YY Lam 同呢間補習學校嘅資源庫，以及為 DSE 學生打氣金句。
 

著數比較：100Mbps 限速，遠勝同級 1Mbps

月費計劃最緊要講「抵唔抵 + 實唔實用」。3 香港同類價位 5G 計劃，當基本數據用完之後，通常都會限速至 1Mbps。雖然 1Mbps 睇文字 Message 仲得，但要睇高清影片或下載大檔案，就真係慢過烏龜。不過，呢個 Plan 限咗要係嗰間補習學校嘅學生同家長先有份，就唔係人人都 Join 到。